Forkunnskapskrav

Sjå programplan

Relevans i studieprogrammet

Valfritt fag i grunnskolelærarutdanninga 5-10

Innleiing

Emnet Språk og språkdidaktikk 1 arbeider med språket som system, fleirspråklegheit og grunnleggjande språkdidaktikk. I Språk og språkdidaktikk 1 vil vi ha eit særleg fokus på mellomtrinnet.

Læringsutbytte

Ved NLA Høgskolen går Norsk 1, 5-10 (30 sp) over to år i tre modular á 10 studiepoeng. Læringsutbyteformuleringane slik dei er formulerte i Nasjonale retningsliner for grunnskolelærarutdanning 5.-10. trinn er tilpassa dei tre modulane som utgjer Norsk 1 ved NLA Høgskolen. Etter fullført emne «Språk og språkdidaktikk 1» har studenten følgjande læringsutbytte:

Kunnskap

Studenten

• har kunnskap om språksyn, språkteorier, første- og andrespråkstileigning og språkets plass i norskfaget
• har kunnskap om språket som system (fonologi, morfologi, syntaks, semantikk) og gjeldande normering av nynorsk og bokmål
• har kunnskap om språket i bruk (tekstlingvistikk, diskurs-pragmatikk, retorikk)
• har kontrastiv kunnskap om samisk og norsk
• har brei kunnskap om norsk som første- og andrespråk og om fleirspråkleg praksis
• kjenner til forskings- og utviklingsarbeid med relevans for norskfaget på 5.-10.-trinn i språklege emne

Ferdigheiter

Studenten

• kan analysere språk og språkbruk
• kan bruke kunnskap om grammatikk, språk og tekst i analyse og vurdering av munnlege, skriftlege og multimodale tekstar og gi tilpassa, læringsfremjande respons
• kan bruke kunnskap om fleirspråklegheit og fleirspråkleg praksis i tilrettelegging for ei samansett og fleirkulturell elevgruppe
• meistrar skriftleg nynorsk og bokmål og kan undervise elevar i begge målformer
• kan finne fram til, forstå, vise til og reflektere over relevant norskfagleg forskingslitteratur
• kan skrive akademiske fagtekstar og delta i norskfaglege drøftingar knytte til grunnskulelærarpraksis 

Generell kompetanse

Studenten

• kjenner til eigenarten til norskfaget som språk-, kultur- og litteraturfag
• kan formidle fagstoff om språk, tekstar og medium skriftleg og munnleg og gjennom andre relevante undervisingsformer
• kan omsetje læreplanmål til praktisk arbeid og legitimere faglege og didaktiske val
• kjenner til norskfagleg forsking og utviklingsarbeid og kan drøfte relevante forskingsetiske problemstillingar

Innhald

Emnet Språk og språkdidaktikk 1 vil særleg arbeide med språket som system, språket i bruk og med individuell fleirspråklegheit, i eit didaktisk perspektiv.

Studentane skal utvikle både sin eigen språkbruk og kunnskapen sin om språk og tekst.

Dei skal bruke og reflektere over denne kunnskapen i møte med andre fag og i praksisfeltet.

Språkemnet kan samarbeide med andre norskemne om språkleg analyse av tekster.

Norskfaget vil kunne samarbeide med andre fag der det er naturleg.

Arbeids- og undervisingsformer

Førelesingar

Seminar med aktiv studentdeltaking

Gruppeseminar

Grunnskulepraksis

Sjølvstudium

Studentane bør danne kollokviegrupper og organisere samarbeid også utanfor obligatorisk undervisning

Arbeidsomfang

Arbeidsmengde for student: ca. 300 timar (dette omfattar også sjølvstudium).

Arbeidskrav

Obligatoriske arbeidskrav:

• breiddetest
• deltaking i gruppediskusjon
• eit seminarinnlegg med skriftleg innlevering
• praksisoppgåve
• det er krav om frammøte og aktiv deltaking som oppgitt i undervisningsplanen

Nærare opplysningar om innhald i og tidspunkt for gjennomføring av arbeidskrav vert gjeve i årsplanen for faget ved studiestart. Alle obligatoriske arbeidskrav må vere godkjente for at studenten kan gjennomføre eksamen.

Vurderingsuttrykk arbeidskrav

Godkjent / Ikkje godkjent.

Avsluttande vurdering

Skuleeksamen, individuell,  5 timar. Skuleeksamenen skal skrivast på den målforma som vert oppgjeve ved semesterstart.

Vurderingsuttrykk avsluttande vurdering

Skriftleg eksamen vurderast med gradert karakter A til F, der F er stryk.

Tillatte hjelpemiddel

Læreplan for Kunnskapsløftet og bokmåls- og nynorskordbok (nettversjon frå ordbøkene.no (ordbokene.no))

Eksamensspråk

Norsk (målform blir oppgitt ved semesterstart).

Praksis

Sjå relevante læringsutbytteformuleringar og elles eigen praksisplan.

Evaluering av emnet

Emnet vert evaluert etter kriterium i NLA Høgskolens kvalitetssystem. I tillegg kan emneansvarleg gjennomføre mindre evalueringar. Studentane kan gje tilbakemeldingar på emnet i samband med undervisning og til emneansvarleg.

Kan takast som enkeltemne

Nei

Digital litteraturliste

Litteratur og faglige ressurser finner du her.