Forkunnskapskrav

Sjå programplan

Relevans i studieprogrammet

Valfritt fag i grunnskolelærarutdanninga 5-10

Innleiing

Emnet Språk og språkdidaktikk 2 vil ha særleg fokus på språklege endringsprosessar, på fleirspråklegheit og på språkdidaktikk. Ungdomstrinnet vil bli vektlagt.

Læringsutbytte

Ved NLA Høgskolen går Norsk 2, 5-10 (30 sp) over to semester i tre modular á 10 studiepoeng. Læringsutbyteformuleringane slik dei er formulerte i Nasjonale retningsliner for grunnskolelærarutdanning 5.-10. trinn er tilpassa dei tre modulane som utgjer Norsk 2 ved NLA Høgskolen. Etter fullført emne «Språk og språkdidaktikk 2» har studenten følgjande læringsutbytte:

Kunnskap

Studenten

• har kunnskap om Norge og Norden som fleirspråklege samfunn, med samisk, nasjonale minoritetsspråk, nordiske nabospråk og nyare innvandrarspråk
• har brei kunnskap om norsk språkhistorie i eldre og nyare tid
• har kunnskap om språklege endringsprosessar, geografisk og sosial variasjon, og om normeringsproblematikk for nynorsk og bokmål
• har kunnskap om samanhengen mellom språk og identitet
• kjenner til forskings- og utviklingsarbeid med relevans for norskfaget på 5.-10.-trinn i språklege emne

Ferdigheiter

Studenten

• kan bruke kunnskap om norsk språkhistorie til å bidra til at elever utviklar nasjonal og kulturell identitet og tilhøyrsel
• kan bruke kunnskap om språkleg variasjon og endring til å fremme respekt for variasjon og mangfald hos elevar
• kan bruke kunnskap om fleirspråklegheit og fleirspråkleg praksis i tilrettelegging for ei samansett og fleirkulturell elevgruppe
• meistrar skriftleg nynorsk og bokmål og kan undervise elevar i begge målformer
• kan finne fram til, forstå, vise til og reflektere over relevant norskfagleg forskingslitteratur
• kan skrive akademiske fagtekstar og delta i norskfaglege drøftingar knytte til grunnskulelærarpraksis

Generell kompetanse

Studenten

• har innsikt i grunnskolefagets historie og i sentrale faglege, fagdidaktiske og yrkesetiske problemstillingar
• kan leggje til rette for at alle elevar på mellom- og ungdomstrinnet vidareutviklar grunnleggjande språkferdigheiter og blir tekstkyndige språkbrukarar som deltek aktivt i klasserommet og på andre sosiale arenaer
• kan vurdere eigen praksis som norsklærar med utgangspunkt i gjeldande læreplanar og faglege kunnskapar og innsikter
• kan reflektere over val av metode og relevant vitskapsteori i norskfagleg forskings- og utviklingsarbeid
• kan planleggje, gjennomføre og vurdere fagleg utviklingsarbeid i møte med framtidas skule

Innhald

Emnet Språk og språkdidaktikk 2 vil ha særleg fokus på språkleg variasjon (geografisk, sosiolingvistisk og diakron) og det fleirspråklege samfunnet, i eit didaktisk perspektiv.

Studentane skal utvikle både sin eigen språkbruk og kunnskapen sin om språk og tekst.

Dei skal bruke og reflektere over denne kunnskapen i møte med andre fag og i praksisfeltet.

Språkemnet kan samarbeide med andre norskemne om språkleg analyse av tekster

Norskfaget vil kunne samarbeide med andre fag der det er naturleg.

Arbeids- og undervisingsformer

Førelesingar

Seminar med aktiv studentdeltaking

Gruppeseminar

Grunnskulepraksis

Sjølvstudium

Studentane bør danne kollokviegrupper og organisere samarbeid også utanfor obligatorisk undervisning

Arbeidsomfang

Arbeidsmengde for student: ca. 300 timar (dette omfattar også sjølvstudium).

Arbeidskrav

Obligatoriske arbeidskrav:

• breiddetest
• seminarinnlegg med skriftleg innlevering
• gruppediskusjon
• skriftleg didaktisk oppgåve eller praksisoppgåve

Det er krav om frammøte og aktiv deltaking som oppgitt i undervisningsplanen. Nærare opplysningar om innhald i og tidspunkt for gjennomføring av arbeidskrav vert gjeve i undervisingsplanen for faget ved studiestart.

Vurderingsuttrykk arbeidskrav

Godkjent / Ikkje godkjent.

Avsluttande vurdering

Skuleeksamen, individuell, 5 timar. Skuleeksamenen skal skrivast på den målforma som vert oppgjeve ved semesterstart.

Vurderingsuttrykk avsluttande vurdering

Skriftleg eksamen vurderast med gradert karakter A til F, der F er stryk.

Tillatte hjelpemiddel

Læreplan for Kunnskapsløftet og bokmåls- og nynorskordbok (nettversjon frå ordbøkene.no (ordbokene.no))

Eksamensspråk

Norsk  (målform blir oppgitt ved semesterstart).

Praksis

Sjå relevante læringsutbytteformuleringar og elles eigen praksisplan.

Evaluering av emnet

Emnet vert evaluert etter kriterium i NLA Høgskolens kvalitetssystem. I tillegg kan emneansvarleg gjennomføre mindre evalueringar. Studentane kan gje tilbakemeldingar på emnet i samband med undervisning og til emneansvarleg.

Kan takast som enkeltemne

Nei.